إيمان

من طرف faisal السبت يونيو 21, 2008 12:15 am

السلام عليكم

يا شباب هي نصيحة من واحد عارف إشتكتبون وكتب قبلكم
يا ما تابعت وشفت وسألت وجمعت صور قديمة وجديدة وكثيرة ، وحتى كثير منها مو موجود بالمنتدى

اللي أبي أوصله كل شي تكتبونه أو صور تنشرونها أو تتغزلون فيها والله ماراح يفيدك ولا راح يبرد قلبك ولا راح تستفيد شي

محدثكم كان خلال خمس سنوات ماطوف إلا نشرتين أخبار فقط وصدقوني وحدة من المرتين سويت حادث بالسيارة لأني كنت مستعجل عشان أشوف النشرة

هو غباء لكن حصل وياليت بعد الحادث حسيت على حالي

على العموم غلطة الشاطر بعشرة لكن خلاصة اللي أبي أقوله إني تركت المتابعة كلها عشان
أحصل على موقع ومكانه وظيفية تخلي أي وحدة تتمنى إني أتقدملها والحمد لله حصلت على موقع حلو وأنت لو تفكر إنك إذا تبي تتزوج ملكة جمال أو سندريلا وإلا باربي

ما راح تقدر حتى تخطب وحدة بهالمواصفات إلا إذا كنت عندك شي يخليها تنظرلك ،على فكرة ترى
الشكل مو مهم ، المهم وضعك المادي صدقنوني في ناس جيف الواحد منهم خيسة ماتنظرله بعينك لو يعطيك فلوس وفوق هذى شايب طايح حظه رجله والقبر لكن يتزوج ملكة جمال ليه ، لأنها باعت نفسها عشان فلوسه وبس

هذى وأنا ماذكرت الناحية الدينية اللي الإنسان ماراح يتوفق إلا إذا عمل بما يرضي الله
وأستذكر بـ "وأما من خاف مقام ربه ونهى النفس عن الهوى ، فإن الجنة هي المأوى" ومع أن هذى كافي لكن في ناحية ثانية للموضوع وهو إني لاحظت إن بعضكم يتكلم عنها باحترام شديد

هل الإحترام يخليك تنشر لها صور وتقول عنها أحبك موت أو مسمي نفسك مجنون إيمان ترى لو صحيح تحبها موت أو أنت مجنونها روح إخطبها يا أخي

أنا ما راح أقول عنها غير الله يهديها ويستر عليها ويزرقها الحجاب إنشاء الله

والله يخليكم يا شباب قبل العرب كانوا مايقدرون يذكرون إسم الوحده خوف على سمعتها ، أما اليوم الكل يلقب نفسه بإسمها ، هي كلمة حق وقلتها واللي زعل منها أنا أقوله آسف ، ماكنت أقصد فيها إلا الخير

لكم ولي ولها

فيصل العنزي